💐#दिवाळी #आमच्यावेळी 💐

#आजची दिवाळी आली की आमच्यावेळची दिवाळी आठवते .... वसुबारस पासून दिवाळी सुरू व्हायची ती भाऊबीजेला संपायची...वसुबारसला
सकाळी डोक्यावरून नहायचे आणि ज्यांच्या घरी गाय-वासरू असेल त्यांच्या
घरी पूजेला जायचे...त्या दिवशी गहू..
तांदूळ काही खायचे नाही...पिवळे
तांदूळ असायचे त्याला भादलीचे तांदूळ
म्हणत त्याची खिचडी आणि डाळीचे
धिरडे हे खायचे बायकांनी फक्त ..दुसरे
दिवशी धनतेरस त्या दिवशी बायकांचे
नाहने... संध्याकाळी घरातील पाणी तापवायची ...ज्यात पाणी भरून ठेवतो
तो हौद...पाण्याच्या लोखंडी टाक्यावर
चुन्याने स्वस्तिक,चंद्र,सूर्य काढायचे
जी घागर डोक्यावर न्यायची तिला पण
चुन्याने रंगवायचे आणि चाललो आम्ही
सगळ्या मैत्रिणी तळयावरून पाणी
आणायला....इतकी मज्जा यायची
दुसरे दिवशी भल्या पहाटे उठावे लागे
कारण त्यादिवशी नरकासुरचा वध झाला म्हणून उशिरा उठायचे नाही हि शिकवन त्याच पाण्याने मग दुसरे दिवशी म्हणजे नर्क चतुर्दशीला पुरुषांना आंघोळ घालायची अशी प्रथा...मग सगळ्यांनी नवीन कपडे घालून दिवाळीचा केलेला फराळ करायचा आणि मग देव दर्शनाला जायचे ... घरात बाहेरगावी राहणारे काका काकु व ..मूल असायची त्यांच्या सोबत मग रात्री फटाके उडवायचे 💥💥

***#दिवाळीचा पाचवा दिवस म्हणजे
लक्ष्मी पूजन...माझ्या माहेरी कापड
दुकानदार कडे लक्ष्मी पूजा अमावस्येला
आणि किराणा दुकानात पाडव्याला
सकाळी असायची...माझ्या वडिलांचे
किराणा दुकान असल्याने आम्हि लक्ष्मी
पूजन पाडव्याला भल्या सकाळी करायचो पण अमावस्येला नातेवाईक
यांच्याकडे लक्ष्मीपूजनाला जायचो ..
आमचे दुकान साफ करताना माझे वडील ज्या बैठकीवर बसायचे त्या पाटाखाली देता ...घेता सुट्टे पैसे पडलेले
पडायचे त्यासाठी आम्ही भावंड रात्रभर
जागून पैसे गोळा करत असू...जेमतेम
सगळी नाणी मिळून 50/60 रुपये किंवा कधीकधी 100 रुपये पर्यंत जायचे पण त्याचेच आम्ही फटाके आणत असू,ते आमचे पैसे आहेत अशी
भावना असायची ...किती मज्जा असायची त्यावेळी ..आताचे फटाक्यांची
बिल बघितली की चक्कर यायला लागते
त्याच पैशाचे फटाके आणायचे आणि
लक्ष्मी पूजनाला उडवायचे ,फटाके पण
काय तर फुलबाज्या ...लक्ष्मी बॉम्ब सगळ्यात भारी वाटायचा आणि छोट्या
छोट्या लडी ...बिजली आणि सगळ्यात
भारी ऍटम म्हणजे रेल्वे ...मोठी दोरी
दोन खांबाला लावायची आणि सुरर्कन
ति रेल्वे इकडून तिकडे जायची हा atam उडवायला खूप मज्जा यायची
🍁🍁

***#आमच्या आईचे घर म्हणजे मोठा
वाडा ..त्याभोवती खूप मोठे अंगण
मग काय रांगोळी काढायला ऐसपैस
जागा,..शेजारी घर पण त्यामुळे आम्ही
मैत्रिणी मैत्रिणी मध्ये कोण मोठी रांगोळी
काढतो त्याची चढाओढ असायची ...
सकाळी वेगळी रांगोळी...संध्याकाळी
वेगळी रांगोळी ...यातच दोन चार तास
जायचे...पण त्यातही खूप उत्साह
असायचा 🌾🌾

***#मग आला पाडवा..व्यापाऱ्यांच
नवीन आर्थिक वर्ष ...दुकानाची पूजा
झाली की रात्री मुलीने वडिलांना आणि
इतरांनी एकमेकांना ओवाळायचा दिवस
मग वडील किती ओवाळणी घालतात
याची उत्सुकता ते काही एक रुपयांच्या
वर ओवाळणी घालायचे नाहीत ...पण
त्याचंही अप्रूप असायचं ...नवीन परकर
पोलक घालून वडिलांना ओवाळायचं
आमच्या वेळी शाळेत स्कर्ट आणि ब्लाउज आणि घरी परकर पोलक हाच
ड्रेस असायचा ...कधी कधी तर 8वी तच
साडी नेसावी लागायची 🌸🌸

***#भावाला खूष करायचा दिवस म्हणजे भाऊबीज ...त्याला मस्कामारी करणे ...खूप भाव खायचा त्या दिवशी तो...त्याला उटन लावून घासून पुसून अंघोळ घालायच काम आपल्याकडे 😊😊 तो जसा काय राजाच्या थाटात वावरायचा ...कधी एकदा संध्याकाळ
येतेय आणि दादा आपल्याला ओवाळणी घालतोय याची वाट बघत
असू ...तो मात्र 5 रुपयांची करकरीत
नोट ताटात टाकायचा आशा तोऱ्यात ,
जसा काय हजार रुपये देतोय ...पण
त्यावेळी ते 1000 रुप्याच्याच किमतीचे
होते...त्यातच किती आनंद असायचा
सगळे चुलत..मालत भाऊ आणि वडील
मिळून जेमतेम 50/60रुपये जमत
असतील पण तेच किती लाखमोलाचे
होते असे आता वाटतंय 💐💐

***#खरच आता आपण जी सेपरेट सेपरेट दिवाळी करतो त्यात काही पूर्वी
सारखी मज्जा येत नाही...सगळ्यांनी
मिळून फराळ करणे...मिळून आणि
भांडून फटाके उडवणे यात जी काही
मज्जा असे ती नाही असे वाटते...काही
पदार्थ तर तयार आपल्या घरी येतात
शक्यतो दिवाळीत तरी फराळ घरात
बनवावा या मताची मी आहे 🌺🌺

***#चालायचंच "कालाय तस्माई नमः

💐सरोज कोले 💐
2/11/18