🌹#गंधाली🌹

#परवा गंधाली हा रणजित देसाई यांच्या कथा संग्रह वाचला..त्यातली विराणी ही जहांगीर याच्यावर लिहिलेली प्रेमकथा मनाला खूप भावली ..आत्ता पर्यंत या राजावरील काहीच माहिती वाचली
नव्हती म्हणून जर उत्सुकता होती

#सलीम हा अकबराचा मुलगा तो त्याला खूप नवस सायास करून झालेला ..ख्वाजा सलीम चिस्ती
याच्या कृपेने म्हणून मुलाचे नाव
सलीम ठेवले ...तो जसजसा मोठा
होत गेला ,एकलकोंडा होत गेला
त्याला कुणीतरी सोबत म्हणून अकबराने गियासबेग या सामान्य
माणसाची पण अतिशय लावण्यवती असणारी छोटी मुलगी
सांभाळली...सलीम आणि मेहरूंनीसा सोबत वाढत होते..एक
मेकांसोबत खेळत असताना कधी
तारुण्यात आले कळल नाही... सलीम मेहेर हिच्यावर प्रेम करायला
लागला...त्यातच अकबराने सलीम
याला युद्धासाठी बाहेर पाठवले व
तेव्हाच सलीम याने मेहेर हिच्या समोर आपल्या प्रेमाची कबुली दिली आणि "मी परत आल्यावर आपण लग्न करू "असे वचन मेहेर हिच्याकडून घेतले। 🏵️🏵️

#काही दिवसातच अकबराचा इराणी सरदार शेर अफगाण शिकारीसाठी राज्याच्या सिमेत येतो
तो घोड्यावर बसलेल्या मेहेरला
बघतो आणि तिचे रुपलावन्य बघून
प्रेमात पडतो...शेर अफगाण वाघाची शिकार करून आणतो ती
शिकार पाहण्यासाठी लोक जमलेले
असताना एक प्रसंगी तो धाडस दाखवतो आणि अकबराला तो खूप
मनात भरतो...दोन दिवसातच तो
मेहेरची शादी शेर अफगाण सोबत लावून देतो। ...तो बंगालचा सुभेदार असतो ...मेहेर काहीशा
नाराजीनेच त्याच्या सोबत जाते पण
त्याचा स्वभाव आणि बहादूरी बघून
ती पण त्याच्यावर प्रेम करायला लागते ...काही वर्षे जातात ती त्याच्या कडून वाघाची शिकार पण
करायला शिकते,दोघेही खूप आनंदात राहत असतात...त्यातच
अकबराचा मृत्यू होतो त्याची खबर या दोघांना कळते आणि वाईटही वाटले...अकबराचा मुलगा सलीम हा जहांगीर हे नाव धारण करून राज्य
कारभार करायला लागतो...त्याच्या
मनातून लहानपणची मेहेर गेलेली
नसते तो त्याचा सरदार कुतूबुद्दीन
याला शेर अफगाण यांच्याकडे मेहेर
हिने तलाक घ्यावा आणि सलीमची
बेगण व्हावे असा निरोप पाठवतो
हे दोघे एकमेकांवर अतिशय प्रेम करत असतात,मेहेर तयार होत नाही पण कुतुबुद्दीन हमला करून
मेहेर हिला पळवून नेतो...मेहेर
सलीमच्या राज्यात गेल्यावर त्याला
भेटत देखील नाही,तिचे हे वागणे
बघून जहांगीर नाराज होतो आणि
स्वतःला दारूमध्ये बुडवून घेतो
त्याचे राज्याकडे दुर्लक्ष होते,राज्यात
बंडाळी माजते आणि अंदाधुंदी माजते 💐💐

#मेहेरचे वडील गियासबेग हे पाहून
खूप दुःखी होतात आणि मेहेरला
खूप उपदेश करतात,तिला समजावून सांगतात,ती सलीम उर्फ
जहांगीर बरोबर निकाह करते पण
नाराजीनेच...तिचे नाव नूरजहाँ ठेवण्यात येते आणि सर्व राज्य कारभार जहांगीर तिच्या ताब्यात देतो तिला न्याय देण्याचा पण हक्क
देतो ...ती राज्य कारभार व्यवस्थित
करते . .अधून मधून शिकार करते
जहांगीर मात्र तिचे मन जपण्याचा
खूप प्रयत्न करतो पण ती मात्र
पूर्णपणे त्याची झालेली नसते... अशातच तीचे वडील मरण पावतात
त्याचे स्मारक म्हणून अतिशय सुंदर
थडगे नूरजहाच्या इच्छेने जहांगीर
बांधून देतो आणि तिला एकदा
काश्मीरला जाण्याची इच्छा सांगतो
खूप मोठा लवाजमा घेऊन ते दोघे
कश्मीर ला जातात,तेथील निसर्ग
सौंदर्य बघुन ती खूप मोहित
होते...तिच्या आनंदाने तो पण खूप
खुश होऊन तिला म्हणतो "काटेरी
गुलाब लावून बाग करावी वाटली नाही...तुझ्या सौंदर्या प्रमाणे सुंदर
फुलांच्या बाग आणि तेही कश्मीर
सारख्या नंदनवनात बनवाव्या वाटल्या...तू माझ्यावर प्रेम करतेस
का नाही पण मी मात्र तुझ्यावर मनापासून प्रेम केले आणि करत राहीन..मला जर माहीत असत की,
तू शेर अफगाण मध्ये एवढी गुंतली
आहेस तर मी जन्मभर तसाच राहून तुझी नुसती आराधना केली
पण माज्याकडून चुकी झाली मला
माफ कर,मी तुझ्यावर मनापासून
प्रेम केलं याचा मला आजही
पश्चात्ताप नाही "🌼🌼

#त्यानंतर त्याची तब्येत खूपच
खालावत गेली आणि ते आग्र्याला
परत निघाले परंतु वाटेतच एके
दिवशी त्याची तब्येत खुप बिघडली
आणि कशालाही दाद न देता त्याची प्राणज्योत मालवली, त्याचे
शेवटचे बोलणे वाचून खरच मन
गहिवरून येते आणि एक विराणी
वाचल्याचे कळते "शेवटी तो
नूरजहाँ ला म्हणतो"तू रडतेस
माझ्यासाठी ?नूर ...अंतकाळी
आपल्या प्रिय व्यक्तीच्या डोळ्यात
अश्रू पाहत मरण येन ही केवढी
भाग्याची गोष्ट!ते समाधान केव्हढं
मोठं !ते आज मी भोगत आहे, तेवढंच भाग्य घेऊन मी जात आहे
खुदा हाफिज "

#सरोजच्यालेखणीतून
23/8/19