🌹#आमच्यावेळच्या गौराई 🌹

#मला आठवत माझ्या आईकडे गौराई होत्या,त्याला आमच्याकडे महालक्ष्मी म्हणतात...माझ्या दोन्ही बहिणींची लग्न झाल्यामुळे जवळ
जवळ 12व्या वर्षा पासूनमी आईला
सगळी मदत करीत असे...माझी मोठी वहिनी होती पण ती बाहेर गावी राहत असल्याने वेळेवर येणे होत असे...मला मात्र आईला मदत
करायला खूप आवडतं असे...मी
गौरीला साडी नेसवण्यापासून ते
मखर बांधण्या पर्यंत सर्व मदत करीत असे,मुखवटे नीट बसले
का हात बरोबर दिसतात ना हे
सर्व झाले की समाधान वाटे आणि
उत्साहाने आईला विचारी सांग आता पुढील काम काय करू,मग
आई सांगे जा अमक्या काकुकडून फुल तोडून आन,दुर्वा, आघाडा आण ,की पळत निघालो आम्ही तेव्हा अंगात एवढा उत्साह कुठून येत असे कोणास ठाऊक ,हे सगळं
साहित्य आणलं की सोळा प्रकारच्या अक्षता रंगवण्याचा कार्यक्रम असायचा,हळद,कुंकू, गुलाल ,बुक्का,शेंदूर,संपले की वेगवेगळे फुल घ्यायची,त्यात अक्षत
घालायची आणि चोळायची की रंग
लागला फुलांचा ,मग असे सोळा कलर झाले की मग करायची वस्त्र
किंवा गेजमाळा पण म्हणायचे , घरात चुलत बहिणी,भाऊ होते
त्यांच्याशी स्पर्धा लागायची की कोणाचे वस्त्र एकसारखे होते,मग
आई,काकू याना विचारले जाई ,या
दोघी सकाळपासून सोवळ्यात असायच्या त्यांना कोणीही शिवायचे
नाही...दुरूनच काय ते काम करायचे ...सकाळी 9 वाजता त्या
स्वयंपाकाला सुरुवात करीत ते संध्याकाळचे 5च वाजत त्यांना सगळं पूर्ण होण्यासाठी...मग घरातले पुरुष आपापली दुकाने बंद
करून सगळे पैशाचे व्यवहार पूर्ण करून घरी येत,त्या दिवशी कोणालाही उधार द्यायचे नाही किंवा कोणाकडे पैसे येणे ठेवायचे
नाही आशी पद्धत होती...घरी आले
की पुरुष हातपाय धुवून फ्रेश होत
मग जोड्याने,घरात सर्वात तरुण जोडपे कोण असेल त्याला पूजेचा
मान असे ...घरातील एकूण एक सर्व लहान,थोर,पुरुष ,मूल,मुली
पूजेला हजर राहत...आणि मग
जोरजोरात आरत्या म्हणायला सुरुवात होई... कमीत कमी 9 आरत्या तरी म्हणत,एकदा मुलांनी
आणि एकदा मुलींनी आरती म्हणायची...मुलांना पण आरत्या
आल्याच पाहिजे अडा दंडक होता
कमीत कमी अर्धा तास तरी या
आरत्या चालायच्या...घरात इतके
प्रसन्न वातावरण असायचे आणि इतके छान वाटायचे की हे दिवस
संपूच नये असे वाटायचे 🌸🌸

#गौरीच्या नैवेद्याला तर इतके पदार्थ की काय खाऊ नि काय नाही असे व्हायचे,खिरीचे दोन चार
प्रकार,वडे,घार्गे,भजी तीन प्रकारची
पुरणपोळी,आंबील,घुंगऱ्या,कोशिंबीर,अजून अनेक प्रकार पण खाताना
मजा यायची..गौरीच्या पोटात ठेवायला पण असेच करंज्या,लाडू
खाज्या,गुरुळ्या ,शिरलाडू अबब !
किती हे प्रकार,आई चार दिवस आधी फराळाचे करायला लागायची
आणि मदतीला मीच असायची आता सासरी आहेत पण जाणे होत
नाही त्यामुळे मी लहानपणीच्या
महालक्ष्मी खूप miss करते🌼🌼

#आज घरात आजारी बसून असताना या गोष्टींना मी खूप miss
करत आहे आणि आठवण आली
म्हणून मनातलं इथे व्यक्त केलं 💐💐
#सरोजच्यालेखणीतून

प्रातिनिधिक फोटो देत आहे

6/9/19