🌹#सुखदा 🌹

#सुखदा हे डॉ.विजया वाड यांच पुस्तक वाचून पूर्ण झालं,विजया वाड यांच हे पहिलच पुस्तक वाचलं, छान आहे ***

#सुखदा आणि विश्वनाथ हे या कथेचे नायक,नायिका, बालपणा पासून एकमेकांचे मित्र,कॉलेजमध्ये
असताना एका प्राध्यापकांच्या भाषणावर प्रभावित होतात,त्यांचे
म्हणणे असे की जीवनात येऊन माणसाने किडा मुंगी सारखे जगून
न मरता काही तरी विशेष काम
करून मग मरावे...हे दोघेही त्या
विचाराने प्रभावीत होतात, त्यांचे
एकमेकांवर खूप प्रेम असते,पण असेच सर्वसामान्य जीवन न जगता
आपण काहीतरी वेगळे करू,तेही वेगवेगळ्या वाटांनी जाऊन असे ठरवतात...एकमेकांशी लग्न न करता चार वर्षानी एकत्र भेटू असे
ठरवून मित्र मैत्रिणीच्या समक्ष एका
मंदिरात जाऊन शपथ घेतात आणि चार वर्षांनी याच तारखेला याच मंदिरात येऊन लग्न करण्याचे ठरवतात 💐💐

#वेगवेगळे होण्याच्या आगोदर माझ्या आजीला भेटू असे सांगून विश्वनाथ तिला आजीकडे चार दिवस ठेवून घेतो,तिथे त्यांची जवळीक निर्माण होते, तिथून तशीच ती आपल्या मावशीकडे मुंबई येथे काहीतरी करू दाखवण्या
साठी जाते,तिचे काका फिल्म इंडस्ट्रीमध्ये कपडेपटात काम करीत
असतात,त्यांच्या ओळखीने तिला
कपड्याला इस्त्री करण्याचे काम
मिळते,रहीम चाचा तिला सांगतात तू इथे मन लावून काम केलेस आणि ते लोकांच्या डोळ्यात भरले
तर तुझी आपोआप बढती होईल
सुखदाला लहानपणापासून खूप छान चित्रकला येत असते,त्यामुळे
ती चित्रपटात जी वेशभूषा करतात
त्यांचे कपडे डिझाइन करून ते शिवून देते,तिची ही कला एक प्रख्यात दिगदर्शक आणि निर्माता
कमलकांत याची आई महादेवी यांच्या डोळ्यात भरते आणि ते तयार करीत असलेल्या लहान
मुलांचा चित्रपट ,"चित्रविचित्र" याच्या
वेशभुषेचे काम तिला मिळते,ते काम ती खूपच कल्पकता वापरून
करते त्यामुळे दिगदर्शक कमलकांत
तिच्यावर फिदा होतात आणि प्रेम
करायला लागतात,पण हे त्यांच्या
आईला बिलकुल पसंत नसते,त्या तिचा दुस्वास करायला लागतात🌸

#इकडे विश्वनाथ त्याच्या आजीच्या
गावी जे कोकणात असते,जिथे फक्त 200 घरे असतात त्या गावाला सुधारण्याचा विडा घेतो,
घराघरात वीज,संडास,पाण्याचा नळ,घरातील वस्तू वापरून बायोगॅस तयार करणे,प्रत्येकाला साक्षर करणे,गावात देखील रस्ते चांगले करणे,स्वतःच्या हाताने शेती
करणे,पीक चांगले येईल असा प्रयत्न करणे असे सर्व प्रयोग करत
असतो, त्यामुळे गावातील प्रत्येक
व्यक्तीचा तो आवडता बनतो,सगळे
जण त्याला खूप मान देत असतात
जणू काय तो गावाचा राजाच असतो ,त्यांच्या गावाला आदर्श गाव म्हणून मुख्यमंत्र्यांच्या हातून पुरस्कार पण मिळतो🌸🌸

#सुखदा एकदा अशीच विश्वनाथ च्या गावात अचानक जाते आणि त्याला भेटते,तेव्हा गावातील लोक
तिचा खूप आदर सत्कार करतात आणि तिचा पाहुणचार करून तिला
पाठवतात,विश्वनाथ तिच्यावर अजूनही खूप प्रेम करत असतो,पण
सुखदा मात्र मुंबईच्या आणि विशेषतः फिल्मी दुनियेत रुळलेली
असते त्यामुळे ती विश्वनाथचे प्रेम
स्वीकारू शकत नाही आणि मी या
खेड्यात कधीही राहू शकणार नाही
असे विश्वनाथला सांगून ती मुंबईला
परत जाते ,तो मात्र तिची अजूनही
वाट पाहत असतो🌼🌼

#इकडे कमलकांत तिच्यावर प्रेम
करतात पण ते जर विक्षिप्त पण असतात, कधी दारू पिऊन तरर
होतील तर कधी ड्रग्जच्या आहारी
जातात,त्याचवेळी चित्रविचित्र याच
सिनेमा सारखा आणि त्याच कथेवर
बेतलेला दुसरा चित्रपट त्याच दिवशी प्रदर्शित होणार असतो याचा ताण घेऊन कमलकांत अजूनच नशेच्या आहारी जातात, त्यावेळी महादेविजी हे प्रकरण
सुखदाला हाताळण्यास सांगतात ती
हे शिवधनुष्य लीलया पेलते आणि
त्यातून मार्ग काढते परंतु या गोष्टीने
कमलकांत अजूनच चिडून जाऊन
सुखदाला मारहाण करतात, तिच्यावर प्रेम आहे असं सांगतात आणि तिच्याशी असे अघोरी वागत
असतात तरी तिचे मात्र कमलकांत
यांचेवरच प्रेम असते ,तेवढ्यात सुखदाचे वडील मरण पावतात म्हणून ती गावी जाते तिथे विश्वनाथ
पण भेटायला येतो त्याच्यावर ते चिडतात म्हणून विश्वनाथ निघून
जातो,इकडे कमलकांत खूपच ड्रग
च्या आहारी जातात म्हणून त्यांची
आई महादेवी या नवीन सिनेमा
प्रेमबंधच्या दिगदर्शनाची जबाबदारी
सुखदावर सोपवतात,ती लीलया
पेलते ,तेवढ्यात कमलकांत नीट वागायला लागतात,शुद्धीवर येतात, ती त्यांना लग्नाच्या बद्दल विचारते
ते म्हणतात प्रेमबंधन ज्या दिवशी
रिलीज होईल त्या दिवशी आपण लग्न करू,त्या आशेवर ती असते
दरम्यान चित्रपटाचे पोश्टर लागतात
त्यावर सुखदाचे नाव कुठेही दिगदर्शक म्हणून नसते,तिला वाटते
चित्रपट रिलीज होताना पडद्यावर
आपले नाव येईल पण तिथेही तिचे
नाव कुठेही नसते,तिला तिची
फसवणुक झाल्याचे लक्षत येते आणि ती कोलमडून पडते, कमलकांत नवीन सिनेमाची हिरॉईन
मधुरा हिच्या सोबत सगळ्यांच्या समोर येतात आणि तिच्याशी लग्न करीत असल्याचे जाहीर करतात आणि तिथेही तिची
निराशाच होते, आपण पुरते फसवले गेलो आहोत याची कल्पना
येते आणि ती दुःखी होते 🍁🍁

#नंतर मात्र तिला पश्चाताप होतो
आणि ती विश्वनाथ याच्याशी लग्न
करते आणि सुखी होते,यावरून फिल्मी दुनीया किती फसवी आणि लबाड आहे,कोणाचा गैरवापर करून कसे लोकांना फसवतात हे
दिसून येते। 🏵️🏵️

#सरोजच्यालेखणीतून

29/11/19