🌹#मनोकामना #पोखरा #चितवन 🌹

#काठमांडू पासून 3 तासाच्या अंतरावर मनोकामना देवीचे मंदिर असून,ते 4000 हजार फूट उंचीवर आहे...हे मंदिर अतिप्राचीन असून
तिथे रोपवे ने जावे लागते...रोपवेने
जाऊन थोडे चालावे लागते..सदर चा रोपवे तीन टप्प्यात आहे...रोपवे
ने 15 ते 20 मिनिटे लागतात,वर चढून गेले की मंदिर आहे...देवीची
मूर्ती स्वयंभू आहे...रोपवेने वर जाताना अतिशय विहंगम दृश्य दिसते...हिरवे हिरवेगार शेती, खळा ळणारी नदी,हिरवे हिरवे डोंगर अहाहा अतिशय सुंदर दृश्य दिसते
देवीचे दर्शन घेऊन पुढे पोखरा व्हॅलीसाठी प्रवास करावा लागतो,हा
रस्ता पण अतिशय रमणीय आणि
विलोभनीय आहे,आजूबाजूला उंच
उंच सुचिपर्णी झाडे,शेजारून वाहणारी सुंदर नदी आणि सुंदर रस्ता त्यामुळे हा 6 तासाच रस्ता कधी संपला कळत नाही,एकूण ही
व्हॅलीच अतिशय देखणी आहे ... वाटेत त्रिशूली नदी व नारायणी नदीचा संगम आहे,संपूर्ण रस्ता त्रीशुली नदीच्याच काठाने जातो🗻🗻

#पोखरा येथे विंध्यवासींनी देवी,
गुप्तेश्वर महादेव,डेव्हीस फॉल ही ठिकाणे खूप प्रसिद्ध आहेत,डेव्हीस
फॉल येथे 1961 साली इंग्लंडची एक स्त्री तिथे अचानक गायब झाली असे सांगतात...साधारण 100 फूट खोल असेल पण नक्की सांगता येत नाही...हा फॉल पोखरल्या सारखा जमिनीतून बाहेर येतो म्हणून पोखरा असे गावचे नाव पडले आहे...गुप्तेश्वर महादेव म्हणजे गुहेत शंकराचे मंदिर आहे हे
पण खूप सुंदर आहे...तेथून डेव्हीस
फॉल च्या खाली रस्ता जातो... येथील फेवा लेक पण प्रसिद्ध आहे
तो अतिशय सुंदर आहे,लेकच्या मागे बर्फाचे सुंदर डोंगर आहेत त्यामुळे सुंदरतेत अजूनच भर पडते
बर्फाच्या डोंगराचा आकार माशाच्या शेपटी सारखा आहे म्हणून त्याला नेपाळी भाषेत माशा
पुच्छा असे म्हणतात। 🐟🐟

#पोखरा नंतर चितवन या ठिकाणी
जाण्यासाठी तिथून 4 ते 5 तास प्रवास करावा लागतो...हे एक नॅशनल पार्क असून ते एकशिंगी गेंड्यासाठी प्रसिद्ध आहे...या जंगलात हत्तीवरून सफारी करतात
हा पण एक अनोखा अनुभव मिळतो...हत्तीवर 4/4 माणसे बसवतात आणि जंगलातून घनदाट
अभयारण्यातून 2 तास फिरवतात..
वाटेत गेंडे,हरीण, वगैरे बरेच प्राणी
दिसतात...हत्तीवर बसण्याचा अनुभव मात्र अफलातून होता त्यावर बसताना जी त्रेधा तिरपिट
उडाली ती विचारायलाच नको ...
बसल्यावर सुद्धा सारखे हल्ल्यामुळे
अजूनच काही तरी वेगळे वाटते, आजूबाजूला लाकडी कठडे असतात पण आपण पडू का काय
याची भीती वाटत असते...पण हा
एक अतिशय सुंदर आणि वेगळा
अनुभव आहे 🌸🌸

#चितवन वरून भैरहवा या नेपाळ
आणि भारत यांच्या सीमेवरील गावात यावे लागते...तिथून गोरखपूर आणि गोरखपूर ते पुणे असा ट्रेनचा प्रवास करून नेपाळ
पोखरा,चितवन ही 10 दिवसाची सहल समाप्त होते... ही अविस्मरणीय सहल संपल्याचे दुःख
मात्र होते... सहलीत काही नवीन मित्र मैत्रिणी पण जोडले जातात
त्यांच्याशी परत संपर्क साधण्याच्या बोलीने एकमेकांचा निरीप घेतला
जातो तेव्हा नक्कीच गहिवरून येते
💐💐

#सरोजच्यालेखणीतून

15/11/19