🌹#काठमांडू(नेपाळ)🌹

#दार्जिलिंग वरून काठमांडूला जाताना वाटेत मिरीक लेक लागतो...मिरीक लेक चा रस्ता खूपच सुंदर आहे... निसर्गाने या परिसरावर मुक्त हस्ते सौंदर्याची उधळण केलेली आहे.. दोन्ही बाजूने चहाचे मळे. तसेच ख्रिसमस
ट्री व सुरूची झाडे खूप सुंदर दिसतात.. मिरीक येथे सुंदर लेक आहे...त्यात बोटिंग पण करता येते
आजूबाजूला विस्तीर्ण झाडी आहे..
सुंदर आणि शांत परिसर आहे..2/4 दिवस शांतपणे घालवण्या साठी एक उत्तम ठिकाण आहे..गर्दी
गोंधळ,गोंगाट या पासून एकदम अलिप्त ठिकाण आहे...आमचा 31 मे हा लग्नाचा वाढ दिवस असल्याने आणि टुर लीडरचा पण
लग्नाचा वाढदिवस असल्याने सर्वांनी केक आणला आणि एक छोटासा समारंभ करून सगळ्यांनी
आम्हाला शुभेच्छा दिल्या त्यामुळे
आम्हाला खूप आनंद झाला🏞️🏞️

#मिरीक लेक ते भद्रपूर असे बसने
जाऊन तिथून 12/30ला फ्लाईटने
काठमांडूसाठी जावे लागते...हा प्रवास दीड तासाचा असून फ्लाईट
खूप छोटे म्हणजे 25 ते 30 सीटचे
च असते त्यामुळे आम्हाला दोन ग्रुप
करून जावे लागले...छोट्या फ्लाईट
मधून मात्र छान निसर्ग आणि बर्फाचे धवल डोंगर पाहता आले..

#सकाळी लवकर निघून प्रसिद्ध असे आणि बारा ज्योतिर्लिंगपैकी एक असलेले पशुपतीनाथ मंदिरात
दर्शनाला गेलो...हे मंदिर पॅगोडा
पद्धतीचे असून 1400 वर्षे जुने आहे...पशुपती नाथांची मध्यभागी
पिंड आहे व त्याच्या चारही बाजूने
चार मुखे आहेत...मंदीर खूप विस्तीर्ण आहे...देवाच्या समोर खूप
मोठा भव्य असा नंदी आहे आणि
आवारात खूप छोटी छोटी मंदिरे
आहेत...या देवाची अशी कथा आहे
की शंकराची पाठ केदारनाथ येथे
आहे आणि तोंड पशुपतीनाथ येथे
आहे...हे दोन्ही मिळून एक ज्योतिर्लिंग होते ...मंदिराच्या परिसरातच मोती,पोवळे,रुद्राक्ष आणि स्फटिकाचे शिवलिंग इत्यादी
प्रकारची अनेक दुकाने आहेत,पण
जरा फसवाफसवी चालते त्यामुळे
जागरूक राहूनच किंवा माहितगार
सोबत असल्या शिवाय खरेदी करू
नये असे आमच्या पंड्याने सांगितले
म्हणून आम्ही त्यालाच सोबत घेऊन
खरेदी केली 🌸🌸

#येथून जवळच बुढा नीलकंठ
नावाचे मंदिर असून विष्णूची शेष
शाई नागावर झोपलेली दगडाची
भव्य मूर्ती पाण्यात आहे...इस्कॉन
टेम्पल सुद्धा खूप छान आहे ...
तसेच एक बुद्ध मंदिर पण आहे ते
पण वेगळ्या पद्धतीने बांधलेले असून खूप भव्य आहे...तीन भव्य
पितळेच्या बुद्धाच्या मूर्ती आहेत💐

#त्यावेळी कॅसिनो हा प्रकार खूपच
नवीन आणि कोणी बघण्याची शक्यता नसल्याने आम्हाला रात्री
केसिनो पण दाखवण्यात आला...
इथे कॅसिनोची खूप मोठी इंडस्ट्री
आहे आणि नेपाळची अर्थव्यवस्था
बरीचशी त्यावर अवलंबून आहे

#इथून जवळच माउंट एव्हरेस्ट शिखर 29000 फूट उंचीवर असून
ते बघण्यासाठी इथून छोटी छोटी
विमाने सोडतात...ही राईड साधारण 15 मिनिटांची असते पण
एकदम अफलातून असते...कारण आपण विमानातून का होईना जगातील सर्वात उंच शिखराचा
राजा बघू शकतो हे समाधान काय कमी आहे का..शिखर चढून जाऊ
किंवा नाही, पण आपण तर शिखरावरून फेरफटका मारू शकलो याचे समाधान मिळते...
विमानात बसल्या बसल्याच एकदम
एक्साइटमेंट वाटायला लागते...
जसजस वर जाऊ आणि तो गाईड
आपल्याला सांगायला लागतो की हा अमुक माउंट आहे तो अमुक माउंट आहे,उत्सुकता वाढायला लागते...एकदाचे माउंट एव्हरेस्ट दिसले की उर भरून येतो आणि
डोळ्यातून आसवे व्हायला लागतात
इतका तो अभिमानाचा क्षण असतो
ते पांढरे शुभ्र डोंगर, त्यावर सूर्याचे
पडलेले सोनेरी कोवळे कोवळे किरण आणि त्यामुळे सोनेरी दिसणारे डोंगर आणि सर्वात उठून
दिसणारा तो डोंगरांचा राजा अहाहा हे क्षण इथेच थांबवेत असे वाटते...तीथुन कधी खाली आलो
आणि जमिनीवर पोचलो कळतच
नाही इतके त्यात एकरूप झालेलो
असतो...हा अनुभव खरंच एकदा
तरी माणसाने घ्यावाच घ्यावा 🏔️🏔️

#इथून 40 किमी वर असलेले
भक्तपुर हे ठिकाण पण खूप छान
आहे...नेपाळमध्ये तीन प्रकारचे
राजे होते, एक काठमांडू,दुसरे भक्तपुर आणि तिसरे भद्रपूर ...
काठमांडूच्या राजाचा राजवाडा
लांबूनच पहायला मिळतो..भक्तपुर
येथे 600 वर्षे जुनी पुरातन
आणि एकच दगडात कोरलेली
खूप मंदिरे आहेत... शंकराचे मंदिर फक्त एकच दिवस शिवरात्रीला
उघडते...बाकीची मंदिरे नवरात्रीत फक्त तीन दिवस उघडतात... भक्तपुर ओल्ड हेरिटेज मध्ये मोडते
तिथे नवीन पद्धतीचे घर बांधण्यास
मनाई आहे...या ठिकाणी देवानंदचा
"हरे राम हरे कृष्ण" "घरवाली बाहरवाली" अशा अनेक सिनेमाचे
शूटिंग झालेले आहे...मंदिरात खूपच कोरीव काम केलेले असून मंदिर
पुरातन असूनही पाहण्यास अतिशय
सुंदर आहे 🌼🌼

#नेपाळ ट्रिप खूप छान होते आणि
एकदा तरी नक्की पहावे...आपला शेजारी देश असून आपल्या मानाने
खूप छोटा आहे पण लोक मात्र खूप अगत्यशील आणि कष्टाळू तसेच प्रामाणिक वाटले पण तिथे
अत्यंत गरिबी आहे असे समजले
🍁🍁

#सरोजच्यालेखणीतून

8/11/18